唔係觀光，係返屋企：我哋問搞手阿楓點解要辦【南丫島五感學堂】？

作者： Life Jungle 小編

我哋嘅【南丫島水上人家五感學堂】推出以嚟，收到好多朋友嘅查詢。大家對可以親手觸摸海洋生物、對魚排上體驗漁民生活都好感興趣。

但更多人問我哋：「呢個活動背後嘅理念係咩？」

為咗解答呢個問題，我哋覺得冇人比課程嘅設計者——阿楓，更適合回答。阿楓係土生土長嘅南丫島漁民第三代，呢個魚排就係佢嘅家。

我哋直接問阿楓：「當初點解會想設計一個咁嘅『五感學堂』？你最想帶俾參加者嘅係咩？」

以下，就係阿楓最真實、最誠懇嘅回覆。

我叫阿楓，一個想請你嚟我屋企，聽海講故仔嘅南丫島漁民。

我的感受：

我係南丫島漁民第三代，阿楓。我喺索罟灣嘅魚排大，但眼見呢度越嚟越靜，漁民嘅故仔同歷史就快冇人記得。所以我搞咗個「五感學堂」工作坊，唔係要你當呢度係普通景點，係想請你嚟我屋企，親手感受我哋嘅生活，聽吓個海嘅聲，嚐吓我阿嫲傳落嚟嘅味道。

唔係觀光，而係返屋企
好多人嚟南丫島，食餐海鮮就走。但我想俾你嘅，係菜單背後嘅故事同埋一份濃濃嘅人情味。

喺呢度，你會：
聽 & 睇： 同我一齊喺魚排上「包魚」拉網，聽真正嘅漁民術語，感受我哋同大海嘅默契。
觸摸： 感受漁網嘅粗糙，學打一個出海用嘅繩結，觸摸充滿生命力嘅海洋生物。
聞 & 嚐： 親手搓一個雞屎藤茶果，食落去嘅唔只係甜味，仲有我哋嘅文化同人情味。

我嘅目的好簡單：我想你帶走嘅，唔係一張相，而係一份有溫度、有味道嘅香港記憶。

一個誠懇嘅邀請
如果你想暫時離開石屎森林，搵返香港嘅在地溫度，嚟南丫島索罟灣探我啦。呢度冇名勝景點，只有我哋最真實嘅生活故事。

小編後記：

聽完阿楓嘅分享，我哋終於明白，點解參加過嘅朋友都話呢度充滿人情味。因為阿楓想做嘅，從來唔係一個普通嘅導賞員，而係一個邀請你「返屋企」嘅主人家。



如果你都想感受呢份溫度，就嚟探下阿楓啦！

團體查詢及預約，可以搵我哋：
機構： Life Jungle Association Limited
電郵： info@lifejungle.org
電話： (852) 5981 5927

我哋會喺魚排度等你。🌊🍃

#南丫島 #索罟灣 #景點 #歷史 #漁民 #海鮮 #人情味 #海洋生物 #魚排 #